全新大眼blog,只會上載袖珍場景分享及 my rement big and small,希望你地喜歡
大家今年有冇行花市?如果冇觀迎來我呢度行,這裏常常都充滿着過年氣氛
呢度係我兩公婆開,阿四同大眼
阿四負責的花檔
佢入貨D taste 唔差喎!
最喜愛呢d迷你小花盆,很適合香港細小居住環境
過年期間,什至平日,你地想要乜花,都可以預訂
阿四插花都有兩度散手的,可以幫助你地
我地仲包埋運桔送花服務的,當然由咁靚仔的阿四送上門喇!^^
至於我自己,打埋這間乾貨店
這裏好多年貨的,送禮自用皆宜
各色各樣賀年糖果糕點
美酒用作送禮最大方得體
點少得鮑參翅肚,團年飯開年飯一定要
揮春、吊飾、賀年擺設更是超好買的,講意頭嘛!
如有需要,我也會即席為客人寫揮春,只是$10張
也提供禮盒免費包裝服務
另一邊廂,也聘請了幾位靚仔靚女擺檔,大買懷舊小吃
潮人賣糖葱餅係咪九唔搭八?大家唔好笑,真係有的,彩虹地鐵站見過!
有埋吹氣公仔賣,咁至似行花市
雖然已是年初五,都恭喜大家發財,食極唔肥,靚足一世!!!
沒有留言:
張貼留言